Sheshet kanë qenë gjithnjë vendi ideal për tubim nga qytetarët, për ecje e shëtitje apo qoftë edhe vendi ku njerëzit mblidhen për të folur apo për të kaluar disa orë duke vizituar monumentet simbol të vendeve.

JavaNews.al sjell 10 sheshet më të mëdha dhe më të njohura botërore.

1. Në vendin e parë është sheshi Tiananmen në Pekin të Kinës. Ajo është e madhe rreth 440 mijë metra katrorë, më e madhja në botë. Gjatësia e saj nga veriu në jug është rreth 800 metra ndërsa e gjerë nga lindja në perëndim rreth 550 metra. Ky shesh është simbol i vërtetë i popullit kinez.

2. I dytë është sheshi Macroplaca në Monterrei të Meksikës. E quajtur ndryshe edhe si “Grand Plaza” ky shesh është më i vogël se sheshi Tiananmen me një sipërfaqe rreth 400 mijë metra katrorë dhe është e njohur për ndërtesat që e rrethojnë.

3. Në vend të tretë është Sheshi i Kuq në Moskë. Edhe pse është më i vogël se dy sheshet e mëparshme (75 mijë metra katrorë) ai është sheshi më i madh në Evropë.

4. Në vend të katërt është sheshi El Zócalo, në Mexico City të Meksikës. Gjithashtu i njohur me emrin Sheshi i Kushtetutës ka një sipërfaqe prej 43.700 metra katrorë.

5. Në vend të pestë është Sheshi i Katalonjës në Barcelonë. Shatërvane, statuja dhe ndërtesa të mrekullueshme gjenden në këtë shesh nga ku nis edhe bulevardi i famshëm La Rambla.

6. Sheshi i gjashtë më i madh është Sheshi Fitore në Nju Delhi të Indisë. Ky shesh është i njohur pasi ka “India Gate”, një simbol i harkut të triumfit që nënkupton pavarësinë indiane.

7. Parku i Mijëvjeçarit në Chicago të SHBA është sheshi i shtatë më i madh në botë. Edhe pse është një park, për shkak të madhësisë së tij mund të konsiderohet shesh më i madh i Shteteve të Bashkuara.

8. Sheshi i tetë më i madh është Praça do Império në Lisbonë të Portugalisë. E vendosur në Belém, është i rrethuar nga disa nga monumentet më të rëndësishme të qytetit, duke përfshirë Manastirin Jeronimos, Qendrën Kulturore të Belém dhe Kullën e Belémit.

9. I nënti është sheshi Mayo në Buenos Aires të Argjentinës. Ky është sheshi më i madh i qytetit, qendra e zhvillimit politik, ekonomik dhe kulturor i gjithë Argjentinës. Emri i është vendosur për shkak të rvolucionit në maj të vitit 1810, kohë kur Argjentina fitoi pavarësinë nga Spanja.

10. Ndërsa i fundit në këtë listë për nga madhësia është sheshi Jamaa në Marrakech të Marokut. Rreth këtij sheshi zhvillohet Medina dhe mund të konsiderohet si qendra nervore dhe karakteristike e qytetit.