Detaje të reja kanë dalë në dritë nga vrasja e shqiptarit, mbrëmjen e djeshme në Athinë. Mësohet se 38-vjeçari shqiptar i njohur për miqtë e tij si Keli, zyrtarisht identifikohej si Dikenc Halili.
Por, për arsye që nuk dihen, Halili e ka ndërruar emrin e tij në Keli, ashtu siç edhe e njihnin të gjithë.
Mësohet se ngjarja e rëndë ka ndodhur në një lokalin në Rrugën Liosion 104 pranë Sheshit Attiki dhe Agios Panteleimonas. Viktima e njohur si Keli i Tepelenës mori disa plumba në kokë dhe bark e nuk mundi të mbijetojë.
Ai ishte person me precedent penal, ndërsa bëhet me dije se menaxhonte lokalin “Dejavu” në Athinë ku ftonte shpeshherë këngëtarë shqiptarë për të interpretuar.
Mësohet se disa orë para vrasjes, ai ishte duke drekuar me miqtë e tij në lokalin ku sapo kishte interpretuar këngëtari Renato Jaho.
Policia greke ka dyshime se vrasja e tij është një larje hesapesh midis bandash. Ndërkohë autroritetet po punojnë për zbardhjne e plotë të rrethanave të ngjarjes.
g.kosovari
