Personi në foto, është 24-vjeçari Tajar Fetiu, i cili u qëllua nga një person ende i paidentifikuar. Fetiu jetonte prej vitesh në Londër dhe kthehej çdo vit në verë për pushime. 24-vjeçari Fetiu ka qenë duke hyrë në këmbë në rrugicën e shtëpisë së tij, kur një person i ka shkuar me vrap nga prapa dhe i ka qëlluar 6 herë me pistoletë. 2 plumbat e pistoletës e kanë prekur të riun në bark, duke e rrëzuar përtokë.
I plagosuri nuk është njohur si djalë problematik,ndërkohë që nga policia konfirmohet se nuk ka precedentë të mëparshëm penal.
Burimet zyrtare të policisë konfirmojnë se janë sekuestruar edhe kamerat e disa bizneseve përreth dhe po punohet për identifikimin dhe kapjen e autorëve.
Ai kishte ardhur në qytetin e Beratit për të ajrosur shtëpinë e vjetër të familjes, teksa kjo e fundit jetonte në Tiranë.
g.kosovari
