Pas puthjeve të zjarrta të kapitenes Aurora Seranaj, zbulohet lidhja intime e sulmueses së Kombëtares Naime Merovci, me një femër.
Naime Merovci është thirrur në formacion nga trajneri Altin Rrakll këtë vit dhe ka luajtur në mars dhe gusht kundër Luksemburgut dhe dy ndeshje kundër Turqisë.
Merovci jeton tashmë në Suedi, ku banon edhe shoqja e saj, e cila quhet Matilda.
Pas publikimit të fotove, ka reaguar Merovci, duke thënë për “Telegrafin” se femra në foto është shoqe e saj.
“Ajo është shoqja ime, fotot u bënë vjet. Ajo është suedeze por nuk luan futboll. Fotot janë bërë nga një person i tretë që ka qenë shoqja e Matilës”, tha Merovci.
Edhe pse nuk e ka konfirmuar një lidhje të tillë, sërish Merovci ka lënë dyshimet se lidhja është e vërtetë, edhe pse tani është ndarë e nuk ka asnjë lidhje, as me një femër tjetër dhe as me një mashkull.
“Por edhe me qenë e vërtetë, është puna ime private. Është puna ime dhe jo puna juaj”, vazhdoi futbollistja. “Nuk kam të dashur për momentin, as mashkull, as femër, jam duke iu përkushtuar futbollit”.
E pyetur për mesazhet e trajnerit Altin Rraklli, ku kërkoheshin favore seksuale, Merovci tha se nuk ishte në dijeni.
“Jo. Nuk besoj që është ashtu. Kam shkuar shumë mirë me Altin Rrakllin. Nuk kam dëgjuar as nga shoqet”.
