Ministri për Evropën dhe Punët e jashtme Ditmir Bushati ka pasur nje drekë punë me ish-kryeminstrin dhe ish ministrin e jashtëm të Suedisë, Carl Bildt. Kjo drekë është zhvilluar gjatë vizitës së ministrit Bushati në Suedi dhe lajmi ështe bërë publik nga vete Bildt në twitter ku thekson se: “Çështjet e Ballkanit do të jenë prioritet i axhendës së Bashkimit Evropian për vitin 2018 nën presidencën Bullgare”.
“ECFR do të jetë shumë aktiv në analiza dhe politika. Një drekë shumë pozitive sot me Ministrin e Jashtëm të Shqiperisë Ditmir Bushati e njëkohësisht anëtarë i ECFR duke diskutuar mbi sfidat e së ardhmes” thuhet ne postim.
Bildt njihet si një nga personalitetet më me influencë në Evropë për shkak të eksperiencës së tij në Ballkan. Ndërkohë që ECFR (Këshilli Evropian për Politikë të Jashtme) që referohet në twitter Bildt është një organizatë që bashkëdrejtohet nga ai dhe ish ministrja e jashtme italiane Ema Bonnino. Një platformë e mirënjohur pan evropiane që promovon ndërmjet te tjerash procesin e integrimit evropian. Bushati gjatë vizitës së tij në Suedi ka pasur një sërë takimesh të rëndësishme prej të cilave mori mbështetjen e padiskutueshme për procesin e integrimit.
