Protestuesit nga Zharrëza e Fierit kanë mbërritur para Ministrisë së Energjisë pasi e përshkuan rrugën në këmbë deri në Tiranë prej disa ditësh.
Atyre i’u bashkuan disa mbështetës të opozitës me në krye Lulzim Bashën, por reagimi i qytetarëve surprizoi Bashën. Ata i bënë thirrje të largohet, pasi qeveria e djathtë firmosi me “Bankers” në dëm të tyre. Banorët e Zharrëzës deklaruan se “protesta e tyre nuk është politike”.
“Ik mbaj fjalim te çadra. Hiqini flamujt e partive. Duam zgjidhje, duam shtëpitë tona”, i thanë protestuesit Bashës.
Ata sot mbërritën pranë ministrisë ku do të vijojë protesta deri në dëmshpërblimin e plotë për banesat e dëmtuara nga shëprthimet e “Bankers”. Po ashtu banorët e Zharrëzës kërkojnë ndaljen e shpërthimeve në të ardhmen.
7 përgaqësues të protestuesve mësohet se u thirrën në minsitri për takim. Mësohet se po negociohet t’i jepet fund protestës.
