Kreu i Federatës Shqiptare të Futbollit Armand Duka ka mbërritur në shtëpinë e tij në Durrës pasi ka ndodhur shpërthimi me tritol.
Tritoli ka shpërthyer pranë derës së jashtme të banesës së Dukës, që ndodhet në lagjen nr.4 të qytetit bregdetar.
Në banesë dyshohet se ka qenë e pranishme në momentin e shpërthimit vetëm bashkëshortja e kreut të FSHF-së. Si pasojë e shpërthimit raportohet vetëm për dëme materiale.
Sikundër mund të shihet nga kjo video e “Panorama.al” pranë vilës së Armand Dukës ka prani të uniformave blu. Policia ka vendosur një perimetër sigurie në vendngjarje.
Ende nuk kemi një njoftim zyrtar nga “Blutë” dhe nuk dihen motivet e ngjarjes./m.
