Këngëtari i dashur për publikun, Luiz Ejlli, ishte një ndër konkurrentët e “Big Brother VIP 2”, i cili me lojën dhe humorin e tij arriti që të bëjë për vete një publik të gjerë duke u shpallur fitues i këtij reality show.
Të shumta kanë qenë edhe dhuratat, surprizat dhe sidomos dronët që artisti merrte nga fansat e ‘çmendur’ gjatë qëndrimit në këtë spektakël.
Mirëpo së fundmi fituesi i këtij edicioni të BB VIP ka zgjedhur mënyrën më të mirë për të falenderuar një ndër fansat e tij të ‘zjarrtë’, i cili e ka mbështetur dhe i ka dërguar dronë kur ai ndodhej brenda shtëpisë më të famshme në Shqipëri.
Në ditën e tij më të veçantë, siç është ajo e dasmës, Luizi ka kënduar live për të, ndërsa videon e ka postuar në “Instastory”. Krahas saj ka bërë një shkrim falenderues për dhëndrin.
“Faleminderit për dronat Kristi. Ishte minimum që mund të bëja për ty. Të trashëgohesh”, ka shkruar Luizi krahas videos.
/f.stafa
