Ish-kryeministri i Kosovës Ramush Haradinaj duket se e ka marrë me shumë sportivitet humbjen që partia e tij pësoi në zgjedhjet e djeshme.
Ashtu sikurse Presidenti i Shqipërisë, Haradinaj ka nisur të shijojë natyrën, duke ngjitur majat më të larta si fillim.
I ashtëquajturi ‘Ramboja’ i Kosovës, ka postuar në llogarinë e tij në Facebook disa foto teksa shfaqet në majën e një mali me një grup alpinistësh.
Të gjithë e dinë pasionin e Haradinajt për ecjen në male, por të gjithë janë habitur pasi vetëm një ditë pas humbjes për të marrë sërish vendin e kryeministrit, ai ka lënë qytetin dhe zhurmën e zgjedhjeve dhe ka nisur ecjen, ndoshta kjo për të harruar disfatën.
Haradinaj është ngjitur pikën më të lartë të Kosovës, e njohur si “Maja e Njeriut” në Bjeshkët e Sharrit.
Në zgjedhjet e djeshme, koalicioni i ish-kryeministrit Haradinaj ka marrë vetëm 11,53% të votave ose më saktë 90 mijë e 617 vota.
Kujtojmë se Ramush Haradinaj dha dorëheqjen si kryeministër për t’u paraqitur në Gjykatën e Hagës si qytetar i thjeshtë dhe kjo dorëheqje çoi Kosovën në zgjedhje të parakoshme.
/a.r
