Ajo që trumpetohet në të gjitha mediat, shkolla dhe jo vetëm kur përballemi me një rast abuzimi, është t’i drejtohemi organeve të rendit dhe të padisim abuzuesit. Por çfarë ndodh kur as oficerët e policisë nuk të besojnë?
Një ngjarje e tillë ka ndodhur me një 12-vjeçare nga Manchesteri, e cila është identifikuar nga The Mirror vetëm me emrin, Sophie.
Në vitin 2006, vogëlushja i është drejtuar Stacionit të Policisë Oldham, në Mançester, për të denoncuar personat të cilët e kishin ngacmuar në oborrin e një kishe.
Dëshmia e saj është shpërfillur nga oficerët policorë të cilën e quajtën një humbje kohe.
Këtu nisi edhe kalvari i vajzës së mitur.
Sapo del nga stacioni i policisë, 12-vjeçarja është kapur nga dy meshkuj të cilët e kanë përdhunuar në makinën e tyre.
Por ngjarjet e tmerrshme për vogëlushen nuk mund të mbesnin me kaq.
Personat të cilët e përdhunuan, e morën Sophie-n dhe e dërguan në një shtëpi ku i është nënshtruar 15 përdhunimeve.
Refuzimi i ndihmës nga ana e policisë shkaktoi një zinxhir shkatërrues ngjarjesh në të cilat ajo pësoi më shumë se 20 sulme seksuale nga tetë burra atë natë në tetor 2006, duke përfshirë 15 përdhunimet.
Detajet e incidentit të tmerrshëm janë publikuar në një raport të ri të autorizuar nga eksperti i njohur i kujdesit për fëmijët, Malcolm Newsam dhe ish-mbikëqyrësi i detektivëve Gary Ridgeway, i cili shqyrton akuzat për shfrytëzim seksual në Oldham.
I porositur nga Këshilli Oldham në vitin 2019, ai shqyrtoi mënyrën se si autoritetet janë trajtuar me shfrytëzimin seksual të fëmijëve midis 2011 dhe 2014, dhe një rast specifik që daton që nga viti 2005.
Një nga abuzuesit e vajzës, Shakil Chowdhury, tani 55 vjeç, u kap dhe u burgos pas kalvarit të tmerrshëm.
Ai u dënua me gjashtë vjet burg në vitin 2007, por refuzoi të përmendte ndonjë bashkëpunëtor.
Duke shtuar tmerrin, viktima u kishte thënë profesionistëve më herët atë vit se ajo po ngacmohej nga mësuesi Paul Waites, por e gjitha është hedhur poshtë nën akuzën se vajza po kërkonte vëmendje.
Ëaites, 49 vjeç, u burgos në vitin 2015 për përdhunimin e saj dhe tani po vuan dënimin me jetë për sulme të ngjashme ndaj një vajze tjetër.
“Një falje nuk do të mjaftojë kurrë. Më kanë shkatërruar jetën”, tha Sophie./m.j
