Sarah Mohamed priti jashtë shtëpisë së viktimës në Openshaw, Manchester, ish-partneren për ta vrarë.
Hetimet zbuluan se ajo dërgoi 50 mesazhe me tekst, që udhëzonin të dashurin e saj, Rhett Carty-Shaw, të vriste ish-partneren.
Sarah u burgos për inkurajimin me dashje të një personi, për të kryer vrasje.
Carty-Shaw u dënua në akuzën më serioze, për tentativë vrasjeje.
Të dy u dënuan sot në Manchester, secili me nga 16 vjet pas hekurave.
Sarah Mohamed, 17 vjeçe (në foto), është burgosur me 16 vjet për nxitje me dashje për të kryer vrasje.
Studentja i kërkoi të dashurit të saj, që të vriste ish-të dashurën e tij gjatë një komploti makabër, për të provuar dashurinë ndaj saj.
Nga hetimet rezultoi se Sarah Mohamed, 17-vjeçe, qëndroi jashtë shtëpisë së viktimës në Openshaw, Manchester për dy orë, ndërsa ajo priti të dashurin e saj, Rhett Carty-Shaw, gjithashtu 17 vjeç, për të vrarë nënën e fëmijës së tij.
Ajo dërgoi më shumë se 50 mesazhe me tekst për ta inkurajuar atë të kryejë sulmin brutal në maj të këtij viti, përfshirë edhe atë që shkruhej: Pse po zgjat kaq shumë? Nxito dhe vepro.
Sot, të dy ata u burgosën secili me nga 16 vjet.
Mohamed kishte planifikuar për herë të parë vrasjen sepse zbuloi se i dashuri i saj po vazhdonte lidhjen e tij me viktimën, Imam Nasir, 17-vjeçe.
Carty-Shaw ishte i mërzitur për lidhjen që po i vinte fundi dhe u pajtua që të takohej me Mohamed në drekën e një dite përpara sulmit në përpjekje për të biseduar rreth saj.
Vetëm disa orë pas takimit, Carty-Shaw bëri kërkime në Google për asfiksimin dhe “sa kohë njerëzit dënoheshin për vrasje”.
Gjykata dëgjoi që djali u kthye në shtëpinë e viktimës të nesërmen me rroba të tjera, dhe me një thikë të madhe kuzhine në çantën e tij.
Nasir kujtoi se si i kishte kërkuar asaj që të bënte një fotografi dhe ta dërgonte atë si provë të vdekjes së saj.
Nasir u përpoq të telefononte 999, si dhe një nga shoqet e saj, por ai e pengoi atë të bënte këtë.
Ajo e udhëzoi atë të largohej dhe u përpoq ta shtynte poshtë shkallëve, jashtë shtëpisë në kopsht, që është kur Carty-Shaw nisi dhunën ekstreme.
Ai e qëlloi dhe i shkaktoi goditje të shumta, që e lanë me plagë në fytyrë, qafë dhe sqetull plus tre goditje në shpinë, por pati fatin të shpëtonte jetën e saj.
Dyshja u përqafuan pasi u kthyen në shtëpinë e Mohamed.
Carty-Shaw u arrestua pak kohë më vonë, ndërsa qëndronte në një stacion autobusi afër adresës së të pandehurit.
