I ka kushtuar shtrenjtë festa për 30-vjetorin e lindjes Rita Orës, e cila përveçse është përballur me mjaft kritika nga fansat, ka marrë edhe një gjobë të majme.
Sipas “DailyMail”, plot 10,000 paund do t’i paguajë këngëtarja shqiptare autoriteteve britanike për shkelje të masave dhe protokollit mjekësor anti-Covid.
Rita ka reaguar menjëherë pas publikimit të lajmit dhe ka kërkuar falje publikisht. Ajo është shprehur se ky vendim ishte i nxituar, me mendimin se Britania e Madhe po dilte nga izolimi dhe se nuk kishte problem nëse organizonte një festë. Ajo pranon se ky ishte një gabim i pafalshëm dhe serioz nga ana e saj.
Këngëtarja, mendohet të ketë ftuar 30 miq në një restorant në Notting Hill, Londër, për të festuar ditën më të bukur të saj, deri në orët e para të mëngjesit.
Në fotot e publikuara nga “The Sun” shihen miqtë dhe stafi teksa hynin përmes një dere anësore prej metali për të mos u diktuar nga njerëzit.
g.kosovari
