38 kg heroinë e ndarë në 60 pako është kapur mëngjesin e sotëm në portin e Durrësit. Policia ka arrestuar 49-vjeçarin, Dhimitër Zykaj, i cili ishte shofer në kamionin ku u gjet sasia e madhe e drogës, e cila do të transportohej drejt Italisë.
“Ballkan web” ka publikuar fotot, ku shfaqet vendi se ku ishte fshehur heroina. Siç shihet edhe në fotot e mëposhtme droga ishte fshehur brenda një mekanizmi elektrik, i cili ndodhej poshtë dy sediljeve të kamionit. Po kështu dyshohet se është i njëjti grup, që ka trafikuar në muajin prill të këtij viti sasinë prej 20 kg heroinë, po nga Porti i Durrësit, por që u kap në Itali.
g.kosovari
