Kryeministri Edi Rama prezantoi sot projekt ligjin special kundër gjyqtarëve dhe prokurorëve që ai i ka etiketuar prej disa kohësh si organizata kriminale e KÇK.
“Panorama” zbardh nenet se si parashikohet të funksionojnë përgjimet parandaluese ambientale dhe përdorimi i pajisjeve të lokalizimit.
Në projektligjin e ri thuhet se policia mund të kryhen përgjime ambientale me lejen e prokurorit vetëm për rastet kur do të survejojën ambientet private, ndërsa në ambientet publike mjafton një miratimi i strukturave të policisë.
Neni 35 i projektligjit “anti-KÇK” parashikon që do jenë strukturat e Policisë së Shtetit ato që do të kryejnë përgjime ambientale në ambiente private dhe për këtë autorizimin do ta marrin nga drejtuesi i Prokurorisë përkatëse.
Ne piken 2 te nenit 35, parashikohet qe për përgjimet ambient ale ne vende publike, kur çështja ndiqet nga strukturat qendrore, miratimi për këto përgjime jepet nga drejtuesi i strukturës përkatëse qendrore te Policisë.
Ndërsa procedura standarde e punës për realizimin e këtyre përgjimeve do të përcaktohet nga Drejtori i Përgjithshëm e Policisë së Shtetit.
Vëzhgimet sekrete
Në nenin 38 të ligjit është vendosur një paragraf i veçantë për “vëzhgimet sekrete”. Në këtë nen parashikohet përdorimi i mjeteve optike, filmimeve, fotografimeve dhe pajisjeve të tjera teknike, të cialt do të përdoren me urdhrin e drejtorit të policisë vendore.
“Në nenin 38 të projektligjit, për vëzhgimit sekrete, në pikën 1 thuhet : “Strukturat e Policisë së Shtetit kryejnë vëzhgime sekrete të subjekteve të veprave penale të parashikuara në këtë ligj, fizikisht dhe nëpërmjet përdorimit të mjeteve optike, filmime, fotografime e pajisje të tjera teknike.
Në pikën 2 të këtij neni thuhet se: “vëzhgimet sekrete autorizohen nga drejtuesi i strukturës vendore të policisë dhe strukturat qendrore të policisë kriminale”.
Përgjimet telefonike
Në nenin 33 të pr/ligjit, për përgjimet telefonike, parashikohet se policia do të kryejë përgjim parandalues të telekomunikimeve kur prej tyre administrohen indicie për kryerje të veprave penale që parashikohen në objektin e këtij ligji dhe autorizimi do të jepet nga drejtuesi i prokurorisë mbi bazën e kërkesës së bërë nga struktura e policisë.
“Të gjitha përgjimet duhet t’i përcillen Prokurorit i cili ka autorizuar veprimet e përgjimit dhe gëzon të drejtën e asgjësimit të tyre qoftë edhe pjesor. /panorama/
