Princi Leka dhe Elia Zahari kurorëzojnë lidhjen e tyre me martesë. Pas fejesës disa vjeçare, Princi Leka II dhe aktorja e këngëtarja Elia Zaharia nën bekimin e kryebashkiakut Erjon Veliaj zhvilluan ceremoninë celebrimit. Nga sot Elia do tejete Princeshe Elia Zogu.
Në orën 11:00 u zhvillua ceremonia e celebrimit në Sallën e Fronit, drejtuar nga Kryetari i Bashkisë së Tiranës, Erion Veliaj, nën bekimin dhe nga përfaqësuesit e klerit në Shqipëri
“Tirana është qyteti ku jeni njohur ku keni ushqyer miqësinë, respektin e ku i shfaqët dashurinë njëri-tjetrit. Tirana është vendi ku do të ngreni folenë”, u shpreh Veliaj në ceremoninë e bekimit.
Çifti mori bekimin e Myftiut të Komunitetit Musliman, të përfaqësuesit Ortodoks, Katolik, Bektashi, Protestant. “Në emër të Perëndisë, qofshi të bekuar”, thane ata.
“Këtë bashkim sot, miq e dashamirës të cdo etnie, me tituj pa tituj, urime do e shoqërojnë cdo ditë të jetës suaj. Shkëmbeni premtimet solemne”, tha Veliaj duke ftuar Princin dhe Elian t’i premtojnë njëri-tjetrit besnikëri, dashuri e harmoni.
Kryebashkiaku Veliaj: Ju Elia Zaharia, pranoni Princin Leka si bashkëshortin tuaj, në gëzim por dhe në hidhërim, në ditë të mira dhe të këqia, në pasuri por dhe në varfëri në ditët tuaja?
Elia Zaharia: Po!
Veliaj: Ju Princi Leka II, pranoni Elia Zaharia si bashkëshorten tuaj, në gëzim por dhe në hidhërim, në ditë të mira dhe të këqia, në pasuri por dhe në varfëri në ditët tuaja?
Princi: Po!
Pasi shkëmbyen unazat, dhe firmosën, Veliaj i shpalli; burrë e grua.
Ceremonia
Sot zhvillohet ceremonia martesore mbretërore e Lartë Madhërisë Princ Leka II i Shqiptarëve dhe të fejuarës, aktores Elia Zahahria. Dasma e pazakontë në Tiranë ka mbledhur përfaqësues nga të gjitha familjet mbretërorore.
Në orën 12.15 parashikohet mbërritja e çiftit dhe të ftuarve në festën në Oborr, ku Princ Leka do të mbajë një fjalim. Festa parashikohet të zgjatë rreth dy orë.
Festa do të hapet me kalimin e çifteve, të kryesuar nga Princi Leka dhe Princeshë Elia Zaharia dhe fjalimin përshëndetës të Skënder Zogu rreth orës 20.50.
Më pas gjatë mbrëmjes, do të mbajnë fjalën e tyre, edhe babai i Elia Zaharias, Gjergj Zaharia, Princ Leka II dhe Princesha Elia, për ta finalizuar festën me çastin e tortës në orën 24.00.
+
Lista e te ftuarve
E ftuara më e rëndësishme do të jetë mbretëresha Sofia e Spanjës ndërsa nga politikanët shqiptar, figura më e lartë që ka konfirmuar pjesmarrjen është Ilir Meta ndërsa Edi Rama dhe Presidenti Bujar Nishani ende nuk kanë kthyer përgjigje për momentin.
Ndërsa të ftuarit e familjeve mbretërore nga e gjithë Europa do të jenë të shumtë siç tregohet edhe në listën e mëposhtme:
Austri
Duka Georg dhe Dukesha Eilika
Belgjikë
Princeshë Lea
Bourbon-Dy Siccili
Duka dhe Dukesha e Castro
Egjipt
Princ Ali
Gjeorgji
Princi Davit Bagrationi
Gjermani
Princi Georg Friedrich i Prusisë
Greqi
Princeshë Irena
Princ Michael dhe Princes Marina
Iran
Lart madhëria Farah Pahlavi
Itali
Princesha Maria Pia dhe Princesh Maria Gabriella e Savojës
Litenshtein
Prince Philipp dhe Princesh sabelle
Luksemburg
Princ Guillaume dhe Princesh Sibilla
Mal i zi
Princ Nikola II Petrović-Njegoš
Marok
Princesh Lalla Meryem
Portugali
Duka dhe Dukesha e Braganza
Rumani
Princesh Margareta dhe Princ Radu
Rusi
Dukesha Maria dhe Duka George
Serbia
Princ Alexander dhe Princesh Katherine
Spanjë
Madhëria e saj Mbretëresha Sofi
Thurn dhe Taxis
Princesh Gloria
Princesh Elisabeta
Mbretëri e Bashkuar
Princ dhe Princesh Michael e Kent
Disa nga familjet e tjera fisnike të ftuara në dasmën e Princit Leka dhe Elia Zaharia:
Princ Michel i Yugoslavia
Princesh Maria Theresa nga Bourbon-Parma
Austri Joseph Karl Habsburg dhe Dukesha Margarete
Dukesha Johanna Sophie e Austrisë
ENDERRA
Ëndrra po bëhet realitet. Një ‘Hirushe” e kohëve moderne edhe në Shqipëri. Elia Zaharia kurorëzon martesën me Princ Lekën, trashegimtarin e fronit mbretëror. Megjithëse ka përshkruar sallën “Skënderbeg” në Pallatin e Brigadave e buzëqeshur e me një fustan madhështor, Elia i ka mbajtur me vështirësi lotët, duke u shfaqur me shume emocione, ndërsa përkrah kishte “Princin e saj të kaltër” për t’i dhënë siguri. 
Ka nisur prej orës 9:00 ceremonia e dasmës së trashëgimtarit të fronit mbretëror shqiptar Leka Zogu me Elia Zaharian. Që prej kësaj ore një autobus do t’i transportojë gazetarët, fotografët dhe kameramanët nga Shqipëria dhe e gjithë bota drejt Pallatin Mbretëror. Mediat janë ndarë në dy grupe, media zyrtare që do të lejohet brenda Pallatit, ndërsa pjesa tjetër, që do të jetë dhe pjesa më e madhe e shtypit, do të qëndrojë jashtë Pallatit.
Dalin dhe fotot e para nga ceremonia, ku shfaqen të rinj dhe fëmijë me veshje tradicionale që me sa duket do të kenë një vend të veçantë në këtë dasmë. Ndërkohë një prej organizatoreve të dasmës, Alketa Vejsiu ka publikuar në Instagram, një pasazh që vjen nga ceremonia dhe ardhja e të ftuarve.
Kjo ceremoni ka masa të rrepta në oraret e vendosura, kështu që pas orës 09:30 nuk do të jetë e mundur për të hyrë askush në Pallatin Mbretëror. Ora 10:00-10:50 është për të ftuarit e huaj dhe shqiptarë, të cilët arrijnë në ceremoni në bazë të Protokollit.
Në orën 10:20 është koha e politikanëve, ndërsa pesë minuta më vonë do të mbërrijnë anëtarët e familjeve me makinat e tyre. Pasi të gjithë këta kanë mbërritur dhe secili ka zënë vendin e tij, “në skenë” do të shfaqen nusja dhe dhëndri, pikërisht në orën 11:30. Ky do të jetë momenti i fotografimit të çiftit jashtë pallatit. Por të ftuarit nuk kanë mbërritur të gjithë, pasi në orën 12:00 mbërrijnë mysafirët ndërkombëtarë, për t’u bashkuar të gjithë në drekën e Pallatit të Brigadave. Dasma që do të jetë e organizuar gjatë një dite të plotë, do të ketë të ftuar shumë miq.
Prania e tyre do t’i japë një pamje përrallore kryeqytetit shqiptar sot, pasi ata do të pushtojnë rrugët me makinat dhe veshjet e tyre. Sipas burimeve tona të brendshme, në këtë ceremoni udhëtojnë nga e gjithë bota 70 familje mbretërore, të cilët do të vijnë me shumë anëtarë të familjes, pasi kështu është tradita e secilit. Listën e kryeson Mbreti i famshëm Mohamed VI i Marokut dhe bashkëshortja e tij, Lalla Salma, të cilët kanë prenotuar 40 dhoma në një nga hotelet më luksoze të Tiranës, ndërsa pas tyre vjen Spanja me 6 dhoma të prenotuara.
E gjithë atmosfera do të dominohet nga tradita, pasi Princ Leka dhe Elia Zaharia janë kujdesur që ta shndërrojnë këtë dasmë në një ceremoni që t’i vlejë dhe turizmit botëror, meqenëse do të marrë dhe jehonë botërore. Sa për muzikën, e sigurt është që do të ketë momente tradicionale, këngë të vjetra qytetare e shumëçka tjetër.
