Tiri Gjoci është kurorëzuesi i “The Voice of Albania 5”. Ai falë votave të publikut, ka arritur të dalë fitues në një përballje dramatike me vokalistin tjetër në garë, Lorenc Hasrama. Emocionet kanë qenë të jashtëzakonshme, sepse të dy vokalistët, që ishin pjesë e ekipit të trajnerit, Sidrit Bejleri, ishin të mrekullueshëm. 22 vjeçari nga Kavaja, me fotofinish, ka arritur një fitore shumë të vështirë, e cila do të mbetet gjatë në memorjen e publikut. Një duel I denjë mes Gjocit dhe Hasramës, jo vetëm si rivalë, por edhe si miq fantastic. Një model që vlen për të gjitha spektaklet e talentshoët.
Spektaklit i dha ngjyra akoma më magjike edhe pjesëmarrja e këngëtarëve Willy Williams, Alban Skënderaj, si dhe performanca nga fituesit e katër edicioneve të kaluara të The Voice. Javanews sjell foto ekskluzive nga ky spektakël që magjepsi para ekranit të Top- Channel mijëra e mijëra shikues.
(Javanews.al)
