EKSKLUZIVE JAVANEWS/ Dy netët Live të “The Voice of Albania 5” kanë prodhuar emocione të forta. Vokalistët duket se ua kanë bërë shumë të vështirë të 4 rajnerëve për të marrë vendime. Ky “The voice” duket se po kthehet në një “ferr” të vërtetë për të 4 trajnerët Sidirit Bejleri, Alma Bektashi, Jonida Maliqi dhe Genc Salihu. Vokalistët janë fantastikë aq sa trajnerët gjithnjë e më shumë po e kanë të vështirë të zgjedhin se kë duhet të lenë pas për në netët e tjera Live. Siç shprehet edhe Sidi me një titull kënge shkodrane “taksirat që më ka zënë mu”. Ndërsa për Alma Bektashin motoja “fitoftë më i miri” duket se është kthyer në një ankth, pasi, sipas saj, të gjithë vokalistët e netëve Live janë shumë të mirë. Racionaliteti i Genc Salihut, duket se është një kujtim i largët, pasi ai, jo pa emocione, është detyruar të lerë pas vokalistë të mrekullueshëm. Ndërsa për Jonida Maliqin, e cila është edhe trajnerja më ë re e “The Voice”, netët Live ishin tej çdo parashikimi dhe të mbushura me shumë dramacitet. Ky “The voice” duket se po shkakton jo pak drithërima, si për konkurentët që janë në garë, ashtu edhe për të 4 trajnerët, të cilët duket qartazi se karriget ku japin gjykime janë kthyer si “karrige elektrike”. Javaneës sjell imazhe ekskluzive të “The Voice”, se çfarë ndodh pas kuintave me trajnerët dhe konkurentët.
