Dua Lipa, Bebe Rexha dhe Paris Hilton kanë shkëlqyer gjatë eventit të përvitshëm të “KIIS FM’s Jingle Ball” që u prezantua nga Capital One dhe u mbajt në Forumin Kia në , të premten mbrëma.
Lipa – e cila së fundi përfundoi turneun e saj “Future Nostalgia” – u shfaq në tapetin e kuq me një veshje lëkure të zezë dhe të kuqe që i ekspozonte mjaft bukur linjat trupore.
Fituesja e çmimit Grammy, 27 vjeçe, mbante flokët e gjatë të lëshuar dhe kishte bërë një make-up profesional të thjeshtë.
Rexha – e cila së fundmi performoi pjesën e parë në ndeshjen e futbollit të Detroit Lions në Ditën e Falënderimeve – shfaqi kthesat e saj në një veshje ngjyrë blu.
Krijuesja e hiteve, 33 vjeçe, mbante veshur një “jumpsuite” me dekolte të hapur dhe kishte disa mëngë të lirshme. Bebe kishte vendosur që me make-up të theksonte më shumë buzët dhe flokët biond i mbante të lëshuara.
Hilton i mahniti të pranishmit teksa zbriste në tapetin e kuq me një veshje që shkëlqente e gjitha.
Biznesmenja 41-vjeçare kishte stiluar një bluzë me mëngë të gjata me një fund seksi deri në dysheme që kishte një të çarë të guximshme deri te kofshët.
Ajo u sigurua që këmbët e saj të nxira dhe të tonifikuara të shkëlqenin teksa pozonte me njërën këmbë jashtë. Hilton e kombinoi veshjen seksi me një palë taka me shkëlqim.
Ndërkohë flokët bionde të prera i mbante të lëshuara dhe buzët i kishte nudo.
/e.d
