Tre vajza të reja janë arrestuar në Greqi, pasi kanë mashtuar një të moshuar dhe i kanë marrë atij 9 mijë euro. Protothema shkruan se tre mashtrueset bukuroshe po vëzhgonin prej ditësh objektivin e tyre dhe kur arritën t’i afroheshin ato hynë në shtëpinë e tij dhe e zhvatën.
Goditja ndodhi më 28 janar në një apartament në rrugën Asklipiou, ku treshja pasi kanë takuar pensionistin 75-vjeçar dhe kanë fituar besimin e tij, kur kanë hyrë në shtëpinë e tij dhe i kanë rrëmbyer portofolin që përmbante 9000 euro dhe u bë tym.
I moshuari shkoi në stacionin policor të Exarcheia dhe denoncoi ngjarjen për të cilën efektivët pas një hetimi, i identifikuan dhe me ndihmën e OPKE-së më 14 shkurt, në ditën e të dashuruarve, arritën t’i lokalizojnë në sheshin Exarcheia dhe t’i vënë prangat. Bëhet fjalë për vajza të moshave 19, 24 dhe 25 vjeç, të cilat janë futur në mikroskopin e autoriteteve për të patur një pasqyrë të plotë të veprimit të tyre.
“Kam pasur një aventurë me këto femra dhe jam përfshirë. Unë shkova në kafe para disa ditësh për të pirë kafe dhe takova njërën prej tyre jashtë një supermarketi dhe ajo më kërkoi ta ndihmoja. E bëra dhe i dhashë 20 euro dhe për tre ditë e pashë dhe e ndihmova dhe i kisha dhënë numrin tim duke i thash merr në telefon kur të duhet.
U njohëm më mirë dhe të premten e datës 27 të muajit më telefonoi natën dhe më tha se ishte me një shoqen e saj, një bjonde që kishte ardhur nga fshati. Të shtunën pasdite bjondja më fton të shkojmë për darkë. I thashë “eja”. Të shtunën më mori dhe më tha se do të vinte nga shtëpia ime dhe do të sillte një shoqen e saj. I thashë të vinte.
Në orën 19:30 më bie zilja dhe kur ngjiten shoh tre gra. Ishin tre… Ata u ulën në shtëpi dhe në një moment u thashë prisni dy minuta, sa të shkojë në tualet dhe si budalla lashë portofolin tim me 9000 euro .. Kur u ktheva ato ishin zhdukur,” përshkruan ngjarjen i moshuari./m.j
