Nga Namir Lapardhaja
E gjithë përpjekja 3-vjeçare e Berishës, është për të mbërritur te kjo foto. Ai në krah të Edi Ramës.
Njëri kreu i përjetshëm i qeverisë, tjetri lideri i përjetshëm i opozitës.
Kjo foto e sotme, pavarësisht se protokolli kishte shënuar ulje tjetër në atë karrige, mjafton për Berishën për t’i treguar botës se ai është aty në krye të punëve.
Duke thyer protokollin zyrtar, ai ndryshoi letrën me emrin në karrige dhe u ul vetë.
Mos më prekni se drejtoj opozitën. I dhuroi gjithçka Edi Ramës vetëm që ta njihte si të tillë.
Dhe Rama, nga ana tjetër, pavarësisht përbetimeve se nuk do të bashkëpunonte, jo vetëm që e njohu, por e përdori për të liruar të korruptuarit, për të mbyllur listat, duke i lënë dopjogjashtën në dorë, dhe për ta treguar si gogol te shqiptarët.
Zgjidhni?! Do më mbani mua apo të vijë Gogoli?! Ky polarizim ekstrem që e ka shoqëruar prej 33 vitesh politikën shqiptare, vijon ta mbajë peng vendin.
