Dy vite më parë, mbi stadiumin e Beogradit ku luhej ndeshja Serbi-Shqipëri fluturoi një dron me një flamur i cili tashmë është kthyer në pjesë të folklorit shqiptar. Çfarë ndodhi më pas e dinë të gjithë, ndërsa ai moment cilësohet si më kulmori në kualifikimin e kuqezinjve në Euro 2016, për tri pikët e marra në Lozanë, apo për faktin se mes atyre vështirësive, të gjithë lojtarët u bënë një grup më i bashkuar.
Autori i atij veprimi që bëri bujë në të gjithë botën, Ismail “Ballist” Morina, ka vendosur që ta festojë këtë datë si “Autochthonous Day”, siç e ka treguar me postimet e tij në Facebook, ku fillimisht ka vënë një foto bashkë me orën e “fluturimit” e më pas, edhe me hartën e planit.“21.26, u shkrua historia”, ishte postimi i tij në natën e sotme, duke kujtuar pikërisht momentin e realizimit të atij plani që shumëkush e cilësoi të çmendur, por që do të kujtohet përgjithmonë nga tifozeria shqiptare e jo vetëm. /panoramasport/
