Gazetari Drini Zeqo, ka reaguar për herë të parë pas largimit në mënyrë të papritur nga shtëpia e “Big Brother VIP”, duke treguar edhe arsyet e vendimit të tij.
Me anë të një postimi në rrjetet sociale, Drini sqaron se është larguar për shkak të shëndetit të familjarëve të tij, ndërsa thekson se gjendja e tyre është mirë.
Ndër të tjera, ai shkruan “shihemi së shpejti”.
“Në jetë ka shumë gara por asnjë nuk është më e rëndësishme se sa shëndeti i familjarëve. Duke qenë se familja është gjëja më e rëndësishme për mua vendosa ta ndërpres rrugëtimin tim në “Big Brother VIP”.
Të gjithë jemi mirë, faleminderit për interesin dhe kujdesin e treguar. Shihemi së shpejti!”, shkruan gazetari në një postim në Instagram.
Lajmi si fillim është dhënë nga vëllai i madh, përmes një njoftimi, të cilin e lexoi aktori Julian Deda.
Banorët reaguan menjëherë, ndërsa aktori Deda konfirmoi se nuk po gënjente dhe se Drinit iu desh që të largohej me urgjencë, duke lënë kështu garën për çmimin e madh.
“Për shkak të një urgjence familjare, Drinit i është dashur të lerë shtëpinë. Ai është shumë mirënjohës për kohën që ka kaluar këtu dhe ju uron sukses në rrugëtimin tuaj në vazhdim. Nuk po gënjej. Me largimin e Drinit që ishte lider i shtëpisë ju do të zgjidhni një lider të ri. Në votimin tuaj përfshihen edhe banorë të tjerë të shtëpisë”, lexoi letrën Julian Deda.
Drini Zeqo ishte banori i parë që hyri në shtëpinë e madhe të Big Brother Vip 3.
“Dua të ngjis tek publiku dhe pse jo të fitoj. Të dy ndajmë një emocion televiziv, sepse të dy jemi persona ekrani, ajo që doja të nënvizoja është se unë kam, dyfish emocione, sepse rikthehem sërish në Top Channel“, tha Drini ditën që hyri në BBVIP./m.j
