Bradley Lowery kaloi mbrëmjen më të bukur të jetës, teksa udhëhoqi skuadrën e zemrës, Sunderland, tek dilte në fushën e Stadium of Light për ndeshjen kundër Chelsea.
Djaloshi 5-vjeçar ka hyrë në zemrën e një kombi të tërë, pasi u mësua historia tragjike se ai vuan nga një lloj i rrallë kanceri.
Bradley po lufton me sëmundjen që po i përhapet për herë të dytë dhe me imunitetin e ulët, çka do të thotë se për javët në vazhdim nuk do të mund të përballet me njerëz të tjerë.
Megjithatë, u duk në humor të mirë teksa takoi sulmuesit Jermain Defoe e Diego Costa, madje gjuajti edhe një penallti kundër Asmir Begoviç, të cilën sigurisht që e shndërroi në gol.
Të frymëzuar prej tij, të gjithë tifozët e pranishëm e duartrokitën furishëm në minutën e pestë të ndeshjes.
Djaloshi ka shërbyer si maskot i skuadrës edhe më herët këtë sezon dhe Sunderland ka dhuruar 200 mijë sterlina për të.
Dailymail/d.i.
