Shpesh poston foto apo video hot, por Demi Rose ka vendosur të tregojë një anë tjetër të jetës së saj që nuk e dinim.
Sipas “Daily mail”, modelja 25-vjeçare ishte ftuar tek “Sky News” të enjten për të diskutuar me qëllimin për të rritur ndërgjegjësimin e shëndetit mendor në “Ditën Botërore të Parandalimit të Vetëvrasjes”.
Demi i ka humbur të dy prindërit kur ishte 24 vjeç dhe gjatë bisedës, ndau me të gjithë mënyrën se si ajo e përballon hidhërimin që kjo i ka lënë.
Ajo humbi babain, Barrie Mawby, në fund të vitit 2018, ndërsa mamaja, Christina vdiq në qershor të vitit 2019.
Gjatë bisedës, modelja tha: “Kur isha 17 vjeç, mami pësoi një sulm në zemër që i shkaktoi një goditje në tru dhe e la me aftësi të kufizuara. Pastaj, në vitin 2018, babai ndërroi jetë nga kanceri dhe më pas mami, pasi ishte e sëmurë për kaq shumë kohë, ndërroi jetë nga infeksioni në stomak. Kështu që ishte vërtetë e vështirë”.
E pyetur se si e përballon hidhërimin, Demi tha: “Dua të them që ishte vërtet e vështirë, kam kaluar periudha ku ndihesha vërtet keq, por tani ndihem shumë më mirë. Thjesht duhet kohë”.
“Kam disa miq të mahnitshëm dhe meditoj. Unë kam shumë besim, prandaj lutem gjithmonë”,- shtoi ajo.
Kjo vjen pasi Demi pranoi se bota e saj mund të kishte dalë jashtë kontrollit pas vdekjes së prindërve. Ylli tha se ishte rritur para kohe, pasi i duhej të kujdesej për nënën me aftësi të kufizuara.
Pas humbjes së tyre, ajo kishte qenë e zemëruar, e pikëlluar dhe e vetmuar. Duke pranuar se mund t’i ishte nënshtruar pikëllimit dhe mërzitjes, Demi tha: “Kur prindërit vdiqën, jeta ime mund të dilte jashtë kontrollit, por duhet të vazhdoja para”.
Pavarësisht se ka kaluar disa trauma, Demi pranoi se kjo e kishte bërë më të fortë.
g.kosovari
