Një veprim i biznesmenit dhe politikanit të njohur serb Bogoljub Kariç në Bjellorusi ka çmendur Serbinë.
Kariç në një prej bizneseve të tij në Minsk të Bjellorusisë kishte vendosur flamurin e Republikës së Kosovës.
Kariq ditë më parë është rizgjedhur si President i Lëvizjes Forca e Serbisë.
“Biznesmeni dhe udhëheqësi i Lëvizjes Forca e Serbisë, Bogoljub Kariç, i cili përfaqëson veten si një patriot i madh, i lindur në Pejë të Kosovës, njeh Kosovën e pavarur. Patrioti i madh i Kosovës madje ka vënë flamurin e Kosovës edhe para objekteve që ka jashtë vendit, siç është qendra tregtare e madhe në Bjellorusi, ku shihet flamuri i një shteti të rremë që ai njeh”, shkruan Telegrafi serb.
