Katër persona kanë humbur jetën dhe 11 të tjerë janë zhdukur, si pasojë e përmbytjeve në rajonin verior të Turqisë.
Ministri i Brendshëm Suleyman Soylu në një deklaratë për median tha se operacionet e kërkimit dhe shpëtimit janë duke punuar për të bërë të mundur gjetjen e personave të cilët janë zhdukur.
“Deri më tani, 133 qytetarë janë shpëtuar. Ne do të qëndrojmë pranë të gjithë qytetarëve”, tha Soylu.
Pamjet nga provinca veriore e Giresun tregojnë përmbytjet e shkaktuara nga reshjet e dendura të shiut, që rrënuan banesat dhe automjetet gjatë një rruge, duke i lënë të bllokuara në baltë.
Ai tha se rrugët për në 118 fshatra janë mbyllur.
Soylu tha se pesë oficerë të xhandarmërisë dhe një operator ekskavatori u zhdukën pasi një digë e vogël 5 metra e lartë u rrëzua për shkak të përmbytjeve në rajon.
Përpjekjet e shpëtimit vazhduan në një sallë dasme në rrethin Dereli, ku mysafirët u dërguan në një vend të sigurt.
Duke cituar informacione nga autoriteti shtetëror i meteorologjisë, Soylu tha se shirat, të cilat filluan të shtunën, arritën në 137 kilogramë densitet dhe prekën shumicën e rretheve. Ai paralajmëroi se 50 deri në 100 kilogramë reshje priteshin në rrethet Çanakçı, Görele dhe Doğankent të dielën, shkruan gazeta turke Dailysabah.
Më parë, Guvernatori i Giresun, Enver Ünlü tha se ekzistojnë një numër i personave të bllokuar që nuk janë identifikuar dhe disa njerëz janë shpëtuar nga reaguesit e urgjencës.
Ekipet po punonin për rihapjen e rrugëve pasi automjetet dhe pajisjet e rënda prisnin që ujërat të tërhiqeshin para se të hynin, shtoi ai.
Ujërat shkaktuan që automjetet në Dereli të zhyten, dhe ndërtesa u shkatërruan gjithashtu në zonë.
