Në një intervistë telefonike me Fox News, Ish-Sekretari i Shtetit dhe ish-drejtori i CIA-s, Mike Pompeo zbuloi se humbi më shumë se 41 kg gjatë gjashtë muajve të fundit. Sipas tij kjo rënie drastike në peshë ka ardhur pasi ai bëri ndryshime me shumicë në stilin e jetës pas daljes nga administrata Trump vitin e kaluar.
Intervista erdhi pasi fotot e një Pompeo të dobësuar u shfaqën gjatë fundjavës, duke ripërtërirë spekulimet se ish-sekretari i shtetit po konsideron seriozisht një kandidim presidencial në 2024.
Pompeo theksoi se ai humbi peshë vetë, përmes stërvitjeve dietave ushqimore dhe jo nga ndonjë operacion apo sëmundje.
Sigurisht që nuk mund të mohohet transformimi fizik i Pompeos, por pretendimet e tij se ai humbi peshën përmes ndryshimeve të vogla në dietë dhe stërvitje kanë krijuar polemika midis nutricionistëve dhe profesionistëve të industrisë së fitnesit. Asnjëri prej të cilëve nuk beson se një humbje e tillë dramatike e peshës do të ishte e mundur pa ndryshime të mëdha në jetë.
“41 kg në gjashtë muaj është e pabesueshme,” pretendoi një ekspert fitnesi në Kansas City Star, “veçanërisht për moshën e Pompeos”.
58-vjeçari pohoi se humbi peshën sepse ai “ndaloi së ngrëni karbohidrate në një masë të madhe” dhe “u përpoq të hante porcione më të vogla”.
Pompeo thotë se ai ndërtoi një palestër në bodrumin e shtëpisë së tij dhe e pajisi me disa shtanga dore dhe një makinë eliptike.
“Unë u përpoqa të zbres atje pesë, gjashtë herë në javë dhe të qëndroj në të për rreth gjysmë ore,” tha ai për Post.
“Dhe kjo nuk ishte asgjë shkencore. Nuk kishte trajner, nuk kishte dietolog. Isha vetëm unë.”
Larg punës, ai thotë se tani zgjedh opsione më të shëndetshme si të bardhat e vezëve dhe proshutën e gjelit të detit në vend të petullave me kunguj gjatë udhëtimeve familjare në Ihop. Pompeo këmbëngul se ai është duke u kujdesur për shëndetin e tij, jo për një kandidim presidencial.
