Një burrë dhe një grua nga një fshat në distriktin Mysuru në Karnataka, Indi, u lidhën në një shtyllë elektrike dhe u dhunuan nga ish-bashkëshorti dhe kunati i këtij të fundit pasi dyshoheshin se kishin një lidhje.
Sipas India today, policia tha se gruaja ka tre fëmijë nga martesa e saj me një vendas. Por çifti ishte ndarë pesë vite më parë, pas së cilës ajo kishte jetuar me prindërit e saj. Gruaja 30-vjeçare punonte si punëtore dhe ishte lidhur me një të ri 24-vjeçar nga një fshat fqinj.
Ngjarja ka ndodhur më 25 nëntor kur gruaja ka ftuar të riun në shtëpinë e saj për të pirë çaj. Ish-burri i saj dhe vëllai i tij e morën vesh këtë dhe hynë në shtëpi, sulmuan dyshen dhe i lidhën në një shtyllë elektrike. Më pas ata i goditën të dy për disa orë.
Një video e ngjarjes u bë më vonë virale. Në klipin një minutësh, mund të shihen vendasit që i rrethojnë të dy dhe i shikojnë. Askush nuk doli përpara për t’i ndihmuar ata, pavarësisht britmave të vazhdueshme për ndihmë. Kur kryetarët e fshatit morën vesh për ngjarjen, ata ndërhynë dhe i liruan të dy dhe u përpoqën të qetësonin situatën duke mbajtur një takim për këtë çështje të nesërmen.
Sipas policisë, informacionin e kanë marrë vetëm mëngjesin e së premtes, pas së cilit kanë arrestuar ish-bashkëshortin kurse vëllai i tij u raportua se ishte në arrati./m.j
