Zyrtarët ukrainas dyshojnë se ditët e ardhshme mund të zbulohen masakra civile edhe më të rënda se ajo në Bucha.
Këto paralajmërime vijnë pasi në Borodyanka janë gjetur mbi 200 civilë të vdekur nën rrënoja. Edhe presidenti ukrainas, Volodymyr Zelensky ka thënë se numri në këtë qytet, mund të jetë edhe më i madh se sa në Bucha.
Kujtojmë se skenat në Bucha, me trupat e vdekur të civilëve të shtirë në rrugë, ka ndezur reagime të shumta të vendeve Perëndimore. Ministri i Jashtëm rus, Sergei Lavrov nga ana tjetër, ka hedhur poshtë akuzat, duke i cilësuar pamjet si një inskenim dhe provokim ukrainas.
Prokurorja e Përgjithshme në Ukrainë, Iryna Vendiktova i dha peshë këtyre pretendimeve për masakër. Ajo tha se situatë të ngjashme me masakrën humanitare në Bucha ekziston të ketë ndodhur edhe në pjesë të tjera të vendit, si Sumy dhe Chernhiv./m.j
