Kreu i Partisë Demokratike Lulzim Basha është pritur si hero në Lazarat ditën e sotme gjatë takimit me elektorain e djathtë. Madje në hyrje të fshatit famëkeq ishte vendosur banderola me mbishkrimin “Përjetësisht me PD”.
Por këtë radhë, në tavolina nuk kishte më hashash si para një viti në këtë fshat, por vetëm birra.
Në takim Basha u shoqërua nga kandidati i PD për Gjirokastrën, Igli Kokalari dhe kreu i komunës Dasho Aliko.
Fshati i Lazaratit është një ndër bastionet më besnike të PD-së në jug të vendit dhe kjo pritet të ndikojë në zgjedhjet vendore, për shkak se me ndarjen e re territoriale, Lazarati përfshihet në Bashkinë Gjirokastër.
Ndërkohë, të majtët nuk pritet të marrin vota për shkak të aksionit policor të një viti më parë.
