FOTO/ Atmosfera në prag të ndeshjes Shqipëri-Portugali
Shqipëria synon të hedhë sot një hap të rëndësishëm drejt fazës finale të Euro 2016. Kombëtarja synon fitoren ndaj ekipit që kryeson Grupin I, Portugalisë. Kuqezinjtë synojnë edhe një herë mrekullinë, të cilën e arritën rreth 1 vit më parë në fushë kundërshtare.
Bekim Balaj ndëshkoi Portugalinë në Aveiro me golin e tij akrobatik. Të dy ekipet kanë një ecuri të mirë në këto kualifikuese. Shqipëria nuk ka asnjë humbje, ndërsa Portugalia është fituese pas disfatës me Kombëtaren. Portugezët kanë Cristiano Ronaldo në formë, pasi deri më tani ka shënuar 5 gola në fazën kualifikuese. Portugalia është larguar fitimtare nga Shqipëria në dy ndeshjet e luajtura në eliminatoret e Kupës së Botës.
Në rastin e fundit Bruno Alves, i cili mungon për shkak të dëmtimit shënoi golin e triumfit në minutat e kohës shtesë. Sfida e radhës do të vendosë shumë për të ardhmen që do të kenë ekipet për kualifikimin në fazën finale të Europianit.
Fituesi i kësaj ndeshje do të marrë kreun e grupit dhe do të jetë padyshim edhe skuadra më pranë kualifikimit të sigurtë në Euro 2016.
