Policaie Vlores ka reaguar per ngjarjen e sotme, ku u plagosen dy persona.
Më datë 01.10.2017, rreth orës 09: 35, në rrugën Transballkanike, pranë një karburanti, nga persona ende të pa identifikuar është qëlluar me armë zjarri në drejtim të një mjeti ”Mercedes Benz” me targa VL 63 68 C.
Të plagosurit janë Dritan Begaj 50 vjeç dhe Ferdinand Llanaj 39 vjeç. Ata udhëtonin me një automjet tip “Mercedes-Benz C Class” me targa VL 6368 C (makina që shikoni në foto). Automjeti i tyre u qëllua me breshëri kallashnikovi teksa ishte në lëvizje, nga persona ende të paidentifikuar.
Të dëmtuarit janë transportuar menjëherë për të marrë ndihmë mjekësore në Spitalin Rajonal Vlorë.
Në vendngjarje ndodhen shërbimet e Policisë sëbashku me grupin hetimor ku po punohet për zbardhjen e plotë të ngjarjes.
Policia ka ngritur pika të shumta kontrolli në të gjitha kryqëzimet kryesore dhe po punohet për identifikimin dhe kapjen e autorëve.
a.ç
