Të tjera detaje dalin në dritë në lidhje me plagosjen e 38-vjeçarit Admir Rustemi apo Bajri, të cilit iu bë dje atentat në Shkodër.
Ngjarja ndodhi në dje rreth orës 18:30, në lagjen Dobraç në Shkodër. Gazetarja Klodiana Lala raporton për BalkanWeb se autorët e dyshuar të ngjarjes dyshohet se kanë lëvizur me automjetin tip ‘Benz e class’, me targe AA066PZ (targë e cila rezulton e vjedhur në Tirane më datë 27 gusht të vitit 2020).
Po ashtu Lala ka siguruar për BË dhe foton e makinës që kanë përdorur autorët e krimit, të cilët janë larguar fill pas krimit nga vendi i ngjarjes. Ndërkohë, i plagosuri, pjesë e fisit të njohur ‘Bajri’ në Shkodër, ndodhet në spital. Policia ka marrë në pyetje dëshmitarë të ngjarjes, ndërsa ende nuk ka persona të shoqëruar apo arrestuar.
g.kosovari
