Armina Harutynyan, një 23-vjeçare nga Armenia, ka trazuar rrjetin.
Ajo mori pjesë në një sfilatë mode të Gucci, si modele jo profesioniste.
Por, menjëherë në rrjet vajza e re është masakruar, për shkak të pamjes së saj.
“Si mund të jetë modele kjo”, shkruan një komentues?
Ndërsa një tjetër: “Do të pranonit të dilnit në një takim me këtë? Kjo ngjan më shumë si burrë, se sa si femër”.
Armina u bë pjesë e Gucci-t krejt rastësisht. Siç raporton faqja theartgorgeous.com, ajo u pa nga një zbulues talentesh në Berlin, i cili i kërkoi të shkëmbenin numrat e kontaktit.
Armina ishte në Berlin për të dëgjuar bandën e saj të preferuar. Një muaj më vonë, ajo informohet se ishte zgjedhur për të qenë pjesë e shfaqjes së Gucci. Është modelja e parë armene që sfilon për brand-in luksoz.
Armina vjen nga një famlje artistësh, prandaj thotë se preferon të pikturojë shpesh apo të merret me ilustrime dixhitale dhe dizajne grafike, të cilat janë edhe pjesë e punës së saj.
Gjithsesi, ajo është e hapur për të gjitha llojet e mediave dhe për modeling, të cilin nuk e ka braktisur edhe pas sfilatës së Gucci.
Por, për fatin e saj të keq, ajo u kthye në kryelajm botëror për pamjen e saj dhe na tregon edhe njëherë, se si rrjeti mund të të masakrojë dhe të të shkatërrojë jetën.
g.kosovari
