Fernando de Carvalho Lopes, ish-trajneri i ekipit kombëtar të Brazilit në Gjimnastikën Artistike është dënuar me 109 vite burgim për shkak se akuzat ndaj tij për përdhunim janë vërtetuar. I akuzuar nga zyrtarët publikë në San Bernardo për aktin e përdhunimit ndaj një viktime të pambrojtur, ish-trajneri mund të apelojë vendimin.
Gjykata në Sao Paolo dha vendimin dje, me ish-trajnerin që është parë i dërrmuar. Lopez nuk i ka pranuar asnjëherë këto akuza, që datojnë prej korrikut të 2016 në prag të Lojërave Olimpike të Rio.
Një muaj para Olimpiadës, ministria e Sportit në Brazil vendosi të shkarkonte trajnerin e Gjimnastikës Artistike për meshkuj, pikërisht për këto akuza. Në 29 prill të 2018 një raport i treguar në programin televiziv në Tv Globo bënte me dije se 40 sportistë ishin ankuar për abuzimet e Lopez.
