Ndërkohë që ditët e fundit janë shtuar zërat e deputetëve të Partisë Demokratike, në mënyrë të veçantë Ish Ministrit të Shëndetësisë në kohën e qeverisjes së Partisë Demokratike, Z. Tritan Shehu, në lidhje me largimin e mjekëve nga Shqipëria, sot Ministrja e Shëndetësisë dhe Mbrojtjes Sociale, Ogerta Manastirliu, ka zgjedhur të reagojë indirekt, nëpërmjet një shembulli konkret.
Nën logon “Mjekë për Shqipërinë”, Manastirliu ka postuar në rrjetet sociale shembullin e një mjekeje pediatre, që sipas saj, ka lënë Gjermaninë dhe ka zgjedhur të kthehet të punojë në Shqipëri.
Më poshtë, postimi i plotë i Ministres:
“Dr. Blerta Deda ka punuar prej vitesh në spitalin Marien-Krankenhaus, në Siegen të #Gjermanisë. Ajo është rikthyer për të shërbyer në #Shqipëri dhe sot është #pediatre në Qendrën Shëndetësore nr. 1 në Tiranë✅
#MbështetjePërMjekët
#eGjithëVëmendjaTeQytetarët”
