Policia e Beratit ka transportuar drejt Tiranës 5 mjete të sekuestruara në kuadër të “Operacionit Forca e Ligjit”, ndërsa burime bëjnë të ditur së struktura e pasurive të vënë përmes aktivitetit kriminal ka nën hetim 30 shtetas.
Ndërkohë, deri tani 5 mjete të sekuestruara nga Drejtoria Vendore e Policisë Berat janë nisur sot drejt Drejtorisë së Përgjithshme të Policisë në Tiranë. Mjetet janë bllokuar 2 ditët e fundit, gjatë një aksioni të ndërmarrë nga forcat e policisë së Beratit në 5 subjekte të hetimit nga OFL-ja.
Burimet zyrtare të Drejtorisë së Policisë Berat konfirmojnë se,të pesta mjetet e bllokuara nga policia janë autovetura me proçeduara të përfunduara “sekuestroje”. Gjatë aksionit për transportimin e mjeteve të sekuestruara,policia e Beratit ka marrë të gjitha masat për lirimin e kalimit të ekskortës së policisë me mjetet në të gjitha akset brenda qytetit të Beratit si dhe në aksin nacional Berat-Tiranë, ku janë vendosur forca të shumta policie në çdo rrugë.
Të njëjtat burime konfirmojnë se subjektet nën hetim,të cilëve u janë sekuestruar këto mjete,janë objekt i Operacionit Forca e Ligjit,i cili u ka dërguar ditë më parë edhe shkresën për deklarimin e pasurisë së tyre brenda 48-orëve. Po kështu,burime të brendshme në Drejtorinë Vendore të Policisë Berat konfirmojnë se Operacioni Forca e Ligjit ka piketuar për hetim në Berat rreth 30 subjekte, të cilëve do t’u dërgohet në ditët në vijim shkresa zyrtare për deklarimin e pasurisë, të cilën duhet ta plotësojnë e ta dorëzojnë brenda 48-orëve.
g.kosovari
