Ndërsa ngiste makinën e saj, Carol Howarth, 65 vjeçe, rrëfen rastin e saj nga një rezervat natyror deri në shtëpi, duke e cilësuar si përvojë sa të hidhur aq edhe të pabesueshme.
Të paktën 20 mijë bletë u ngjitën në makinën e saj në pjesën e pasme. Gjithçka kishte ndodhur pasi mbretëresha kishte ngecur brenda makinës dhe “ushtria” e saj prej mijërash i është vënë pas. Ngjarja ka ndodhur të dielën e shkuar në West Wales të Britanisë.
Duke folur për incidentin, të martën, Znj Howarth tha se nuk kishte “parë kurrë diçka të tillë.” Ndërsa ajo largohej me makinë, mijëra bletë hynë në bagazhin e saj, duke shkaktuar kuriozitet të shumtë midis kalimtarëve. Duke mos dashur që insektet t’i largonte me pesticide, gruaja kontaktoi me bletërritës për t’i larguar ato.
“Ka mundësi që mbretëresha të jetë tërhequr nga diçka në makinë, ndoshta diçka e ëmbël ose ndonjë ushqim. Kam 30 vjet që merrem me bletari, por asnjëherë nuk kisha parë një gjë të tillë. Është e natyrshme që tufa e bletëve të ndjekë mbretëreshën, por është e çuditshme dhe e pazakontë t’i shohësh ato të ndjekin një makinë për dy ditë”, tha Roger Burns, bletërritës.
