Aktorja amerikane Rose McGowan i shokoi të gjithë me zhveshjen e saj në MTV Video Music Awards të vitit 1998.
21 vite më vonë, tashmë në moshën 45-vjeçare, McGowan ka zbuluar se ajo veshje ishte përgjigjja e saj ndaj një sulmi seksual që kishte përjetuar.
Megjithëse parashikohej që të ishte i dashuri i saj Marilyn Manson, i cili performoi “The Dope Show”, ai që duhej të merrte vëmendjen, ishte McGowan ajo që pushtoi titujt e gazetave.
Gjatë një interviste për Jameela Jamil, McGowan tha se kishte vendosur të dilte zbuluar në tapetin e kuq pasi ajo ishte paraqitja e saj e parë publike pasi ishte përdhunuar.
“E vesha për këtë arsye. Ishte paraqitja ime e parë publike pas përdhunimit. Dhe mendova se ishte sikur Russell Crowe dhe Gladiatori të dilte në ring dhe të thoshte: Nuk po argëtoheni? Kjo ishte arsyeja pse e bërë atë gjë. Kjo ishte përgjigja ime ndaj sulmit. Sigurisht, në atë kohë nuk kishte as Twitter dhe as Instagram, nuk kishte mënyra të shumta shprehjeje.”
Në autobiografinë e saj “Brave”, McGowan i referohet producentit Harvey Weinstein si “Monstra”, kur tregon se pasi kishin diskutuar rreth karrierës së saj në dhomën e tij të hotelit, ai e kishte përdhunuar në një jacuzzi.
Weinstein është akuzuar për sulme seksuale nga mbi 80 gra dhe mund të dënohet me burgim të përjetshëm nëse shpallet fajtor për të paktën 5 akuza abuzimi seksual, përfshirë përdhunime.
/a.r