Foshnja që po “çmend” Instagramin
E qeshur para kameras dhe e kombinuar në perfeksion, ky është stili i “mbretëreshës” së Instagramit Tiny Freay Fossaceco e cila është vetëm 8 muajshe.
Është një ndër foshnjat më elegante dhe më e dashura në Britani përsa i përket ekspozimit të saj në rrjetet sociale. Kirsty Whelan, mamaja e Tiny Freay është 26 – vjeç dhe e ka fotografuar vajzën e saj që kur ishte 10 javëshe, duke e mësuar atë me blicin e aparatit fotografik. Vogëlushja më me stil e momentit në Britani ka më shumë se 5.500 ndjekës në llogarinë Instagram, duke bërë që shumë nëna të “kopjojnë” stilin e saj të të veshurit për vajzat e tyre. Por veç kësaj kompani të ndryshme veshjesh për fëmijë ofrojnë rroba për të në mënyrë që ajo t’i ekspozojë me stilin e saj elegant. Një pjesë e mirë e rrobave që përdor ajo i ka unike, pasi janë të punuara me dorë. E ëma Kirsty ka studiuar për tekstile të modës dhe të brendshme dhe një frymëzim akoma dhe më i madh për të ka qenë suksesi që Tiny Freya ka patur në mediat online, duke bërë që të rifillojë krijimet e saj të veçanta për veshjet.
