Një ngjarje e pazakontë ka ndodhur së fundmi në Itali. Një foshnjë gjashtë muajshe, e shtruar në spitalin e Padovës që në fillim të majit për hemorragji cerebrale, rezultoi pozitive për kokainë.
Prindërit u morën në pyetje për rastin, pasi ndër hipotezat e marra në konsideratë nga karabinierët është edhe keqtrajtimi i vogëlushes.
Fëmija, siç raportohet nga gazeta lokale, ishte transferuar urgjentisht në spital pas të vjellave. Në trupin e vogël u vërejtën edhe trauma, shkruajnë mediet italiane.
Ajo që mbetet për tu sqaruar është nëse e porsalindura ka qenë apo jo viktimë e sindromës “baby shake”, dridhjet e dhunshëm dhe të vazhdueshme për ta bërë ata të pushojë së qari.
Prokuroria Publike e Venecias ka hapur aktualisht një dosje hetimi.
Kokaina, sipas ekzaminimeve, nuk ishte gëlltitur nga foshnja, por ishte përthithur nga afërsia.
Gjendja e fëmijës është përmirësuar ditët e fundit.
g.kosovari
