Gazetarja Denada Shkodrani ka dhënë detaje mbi Forumin Strategjik të Bledit në Slloveni. Shkodrani ka bërë me dije se delegacioni shqiptar kryesohet nga Kryeministri Edi Rama i cili shoqërohet nga Ministri i Jashtëm Igli Hasani dhe Ministrja kundër Korrupsionit Adea Pirdeni.
Gazetarja sqaroi se Rama do marrë fjalën në panelin e sotëm të nivelit të lartë “ Një botë e realiteteve paralele”, në orën 14:30.
“Delegacioni shqiptar kryesohet nga Edi Rama, i pranishëm dhe ministri i Jashtëm Igli Hasani dhe Ministrja kundër Korrupsionit Adea Pirdeni.
Rama do marrë fjalën në panelin e liderëve rreth orës 14:30.
Ministri Hasani do I bashkohet panelit të tij “për Evropën e plotë dhe të lirë” gjatë ditës së nesërme, angazhim për integrimin europian”, deklaroi Shkodrani.
Kjo e fundi u shpreh se siguria në botë, çështje humanitare; bashkëpunimi global, integrimi evropian i Ballkanit Perëndimor dhe çështjet e klimës e turizmit, janë disa nga temat që do të diskutohen në këtë forum.
Shkodrani po ashtu deklaroi se Julia Navalnaya, e veja e kundërshtarit të ndjerë të Putinit, Alexei Navalny do të nderohet me një çmim special nga kryeministri slloven.
/a.r
