Kryeministri Edi Rama ka publikuar fotografitë krah presidentit francez Emmanuel Macron në Paris, ku ishte për të marrë pjesë në Forumin e Paqes.
Në album përfshin një fotografi me çiftin Macron, momenti gjatë fjalës në panel, si dhe qëndrimi krah më krah me Dritan Abazoviç.
Ditën e djeshme, kryeministri Edi Rama tha në Paris se nuk përjashtohet mundësia e destabilizimit të Ballkanit Perëndimor për shkak të ndikimit rus. I ftuar në Forumin e Paqes, Rama ngriti shqetësimin se Ballkani është në një moment të brishtë për shkak të situatës mes Kosovës dhe Serbisë.
Edicioni i pestë i Forumit të Paqes në Paris mblodhi liderë nga mbarë bota, si dhe përfaqësues të lartë të organizatave ndërkombëtare, për të diskutuar eliminimin e krizave të shumëfishta globale, duke promovuar forcimin e bashkëpunimit dhe multilateralizmit.
/e.d
