Efekti Donald Trump mbi Formula 1. Sergio Perez largon një nga sponsorët për shkak të një komenti negativ në Twitter. Piloti meksikan i Force India ndërpret bashkëpunimin me markën e syzeve Hawkers, e cila në një tweet, më pas të hequr, u sugjeronte meksikanëve të vinin “këto syze për të mbuluar lotët nesër, gjatë ndërtimit të murit” (“ponganse estos lentes para que no se les noten los ojos hinchados mañana en la construcción del muro”). Referimi është për zgjedhjen e Donald Trump, i cili deklaroi gjatë fushatës se do të ndërtonte një mur në kufirin me Meksikën, për të ndaluar emigrantët ilegalë.
Perez u përgjigj me një tweet ku bënte të ditur prishjen e kontratës së sponsorizimit: “Një koment vërtet shumë i keq. Sot do të prish marrëdhënien me HawkersMX. Nuk do të lejoj kurrë që dikush të tallet me vendin tim”.
Bashkëpunimi midis tyre sapo kishte nisur. Më 2 nëntor, Hawkers kishte nxjerrë një seri të kufizuar syzesh Sergio Perez, me çmim 725 pesos, rreth 39 dollarë.
Gds/d.i.
Formula 1/ Sergio Perez, një meksikan krenar, largon sponsorin për fyerje të vendit të tij
