Reperi Sean “P Diddy” Combs udhëheq listën e revistës prestigjioze “Forbes” për hip-hop artistët më të pasur në botë, duke lënë prapa reperët Jay Z dhe Drake.
45-vjeçari ka fituar rreth 60 milionë dollarë në periudhën qershor 2014 – qershor 2015, sipas kalkulimeve të “Forbes”. Fitimet më të mëdha ai i ka pasur nga rrjeti televiziv “Revolt” dhe vodka “Ciroc”.
Ai raportohet se është duke punuar në albumin e ri, pas “Last Train to Paris” të lansuar në vitin 2010.
Në vendin e dytë është reperi Jay Z (emri i vërtetë Shawn Carter), 45-vjeçari themelues i grupit “Roc Nation”. Jay Z ka fituar 56 milionë dollarë nga bizneset e tij në muzikë dhe sport.
Kanadezi Drake është në vendin e tretë me 39.5 milionë dollarë të fituara në vitin e fundit, shumica e të cilave vijnë nga reklamimet e shumta me “Sprite” dhe “Nike”.
Nicki Minaj është e vetmja femër në listën e dhjetë hip-hop artistëve më të pasur vitin e fundit me 21 milionë dollarë të fituar. Ajo është në vendin e nëntë të kësaj liste. Në top-dhjetëshe janë edhe Dr. Dre, Eminem dhe Kanye West.
