Shqipëria është vendi i dytë me infrastrukturën më të keqe duke lënë pas vetëm Ruandën, megjithëse Qeveria shqiptare ka shpenzuar çdo vit mesatarisht 5.5 për qind të prodhimit kombëtar për vepra publike, kryesisht rrugë, porte dhe segmente të tjera të infrastrukturës.
Ndërkohë, të gjitha ekonomitë e tjera, përfshirë ato të ngjashmet si Serbia dhe Maqedonia kanë rrugë, porte, hekurudha dhe infrastrukturë energjetike më të mirë, edhe pse shpenzojnë më pak, shkruan Koha Ditore.
Faktet e mësipërme kanë dalë nga një studim i FMN-së, nga një grup me 40 shtete të marra në shqyrtim.
Duke qenë se Qeveria shqiptare ka shpenzuar çdo vit mesatarisht 5.5 për qind të prodhimit kombëtar për vepra publike, kryesisht rrugë, porte dhe segmente të tjera të infrastrukturës e rendit Shqipërinë në 5 vendet me nivelin më të lartë të shpenzimeve kapitale në 10 vjetët e fundit. (b.an)
