Pozitiviteti i Kristiano Ronaldos me Covid-19 dhe sjellja e tij aspak korrekte ndaj rregullave dhe kushteve që ka shteti italian ndaj pandemisë, ka sjellë polemika dhe reagime edhe të organeve shtetërore.
Madje ka qenë vetë ministri i sporteve të Italisë Vinçenzo Spadafora, deklaroi, se Kristiano Ronaldo ka shkelur protokollin e sigurisë, pasi portugezi fluturoi fillimisht drejt atdheut të tij dhe më pas u kthye dje në Torino, ndonëse vetëm 24 orë më parë kishte rezultuar pozitiv ndaj një testi për koronavirusin.
‘Po, unë mendoj kështu, nëse nuk do të kishte autorizime specifike nga autoriteti shëndetësor,‘ tha Spadafora për Radio Uno kur u pyet nëse kthimi i Ronaldos kishte shkelur rregullat e COVID-19.
Por Juventusi mbrojti Ronaldon, duke thënë se fluturimi i tij ishte autorizuar nga autoritetet shëndetësore.
Ministri Spadafora, gjithashtu ka folur për çështjen e dhënies në tavolinë të 3 pikëve Juventusit për ndeshjen me Napolin. Ai u shpreh se do të bëjë një reagim dhe nuk është aspak dakord, por fillimisht do të presë apelimin e Napolit.
Në fund, i gjithë interesi i sportdashësve në të gjithë botën, në këtë periudhë pandemie, është rikthimi në stadiume, çështje për të cilën ministri italian i sportit, deklaroi:
“Mendoj se do të vijojnë bosh, të paktën deri në fund të muajit të ardhshëm. Klubet kanë kërkuar një hapje në masën 25%, por momentalisht do të duhet të presim ecurinë deri në mesin e muajit nëntor dhe më pas të marrim në konsideratë kërkesën e tyre”.
g.kosovari
