Duke nisur nga dita e enjte, tragetet e linjës Durrës-Bari nisin lundrimet e dyfishta për të përballuar fluksin në hyrje, në portin më të madh në vend.
Festat e Krishtlindjes dhe Vitit të Ri përkojnë me kthimin në atdhe të mijëra emigrantëve. Për këtë arsye, autoritetet portuale kanë marrë masat për përpunimin sa më të shpejtë të pasagjerëve dhe automjeteve. Në total do të jenë 20 sportele për kontrollin e dokumenteve në terminalin e trageteve.
Në ndryshim nga muajt e verës, pritet një fluks më i vogël udhëtarësh i cili do të jetë i përqendruar në hyrje përgjatë 10-ditëshit të fundit të këtij viti, ndërkohë që ditët e para të janarit pritet të nisë fluksi në dalje, pasi emigrantët kthehen në vendet e tyre të punës, pas festave të kaluara në atdhe.
/f.s
