Mëngjesin e kësaj të shtune llogaritet të kenë hyrë 15 mijë qytetarë të Kosovës me 5 mije mjete. Destinacionet nisin me Shëngjinin,Velipoja, Durrësi dhe shkojnë deri poshtë në jugun e thellë.
Në fakt fluksi ka qenë i lartë gjatë gushtit, pavarësisht se ky muaj shënoi dhe numrin më të lartë të infektimeve dhe jetëve të humbura si në Shqipëri ashtu edhe në Kosovë. Vetëm gjatë gushtit mbi 800 mijë qytetarë Kosovarë pushuan në Shqipëri.
Po ashtu radhë të gjata automjetesh janë krijuar përgjatë superstradës Milot-Lezhë.
Gjatë drejtimit për në zonën turistike të Shëngjinit është krijuar një trafik i rënduar dhe në disa raste edhe bllokim të qarkullimit.
Policia Rrugore ka dalë në pika kyçe të rrugës për të monitoruar situatën.
/e.rr
