Fluks i lartë lëvizjesh është regjistruar gjatë 24 orëve të fundit në pikat kufitare të Qarkut të Gjirokastrës, ku mijëra qytetarë dhe automjete kanë hyrë dhe kanë dalë nga territori shqiptar.
Pika e Kalimit Kufitar të Kakavijës vijon të mbajë peshën kryesore të qarkullimit. Gjatë 24 orëve të fundit, në këtë pikë janë përpunuar 9 mijë e 141 shtetas, nga të cilët 5 mijë e 209 në hyrje dhe 3 mijë e 932 në dalje.
Po ashtu, janë përpunuar 2 mijë e 626 automjete, ku 1 mijë e 470 prej tyre kanë hyrë në Shqipëri dhe 1 mijë e 156 kanë dalë nga territori shqiptar.
Sipas të dhënave të Policisë Kufitare, 1 mijë e 211 shtetas kanë hyrë në vend për qëllime turistike, duke konfirmuar interesin e lartë për jugun e Shqipërisë edhe gjatë muajit gusht.
Lëvizje të konsiderueshme janë regjistruar edhe në Pikën e Kalimit Kufitar të Tre Urave. Gjatë së njëjtës ditë janë përpunuar 447 shtetas, prej të cilëve 206 në hyrje dhe 241 në dalje. Ndërkohë, janë përpunuar edhe 172 automjete, me 85 në hyrje dhe 87 në dalje.
Nëpërmjet kësaj pike kufitare kanë hyrë për qëllime turistike 43 shtetas.
Policia Kufitare bën të ditur se shërbimet vijojnë të operojnë me kapacitete të plota për të përballuar fluksin e sezonit veror, me synim përpunimin sa më të shpejtë të udhëtarëve dhe mjeteve që qarkullojnë në këto pika kufitare.
